HAL stake Sale - Kya reason hai aur kya karna chahiye

 

HAL Stake Sale - 5000 Cr ke shares ka Deal




Hindustan Aeronautics Limited India ke defence manufacturing ka ek bada hissa hai aur iske related ek bahut bada stake sale hone jaa raha hai jo investors ke liye, yaani aapke liye ek bahut bada mauka hai ek acche share ko apne portfolio me daal ne ke liye. Kya aap iska detail jaana chahte hai? Kya ye stake sale ke baad aur bhi opportunities aayenge aapke liye? Kya hoga HAL shares ka? Poora post end tak padhiye aur blog ko subscribe kijiye.

 

 

HAL History

Narendra Modi ki Sarkar ne India ke joojhte hue private sector companies ko privatization karneka plan apne manifesto me hi bata diya tha. Isi ke tahat, Sarkar ne 2018 me HAL kaIPO launch kiya, jisme 10% stake sale kiya gaya. Ye IPO 4229 Crore ka tha. Niche diagram, IPO launch hone ke baad se HAL shares ka performance dikhata hai. 1132 INR per share pe launch hua ye IPO abhi 1011 INR pe trade kar raha hai. 2018 ke baad se Indian PSUs ki halaat kuch zyada accchi nahi hui hai, lekin recent Rafale Deal aur uske baad Rafale aircrafts ki delivery ko lekar Indian Defence manufacturing sector me, pecially Airforce related manufacturing sector me kaafi tezi aayi thi. Aapko yaad hoga ke Isi waqt sarkar ne ye announcement kiya tha ke Defence sector me hone waale import me ban lagaya jayega aur bharat ko atmanirbhar babane ke is muhim me desh ki Manufacturing companies bada role play karegi. ISi ke baad HAL shares ka Trend upar ki taraf jaata dikhega aapko, wo bhi 2020 ke second quarter ke aspass. Kyun ki is time pe investors ko ye laga hoga ke Indian Defence sector me abhi accha khasa paisa lagne waala hai, aur ye shayad sahi waqt hai investment ke liye.

chart source-google

 


Sale Detail

Sarkar ne abhi Exchange filing ke zariye ye notify kiya hai ke HAL,jo india ka top Aeronotics and Defence company hai, uske 15% stake sell kiya jayega aur public ko 33.43Million shares khareed ne ka ek mauka diya jayega. Is sale ke zariye, Government lagbhag 5050 Crore ka fund jutane ki koshish kar rahi hai. Ye stake sale 26th aur 27th august ko chal raha hai. Sarkar ki taraf se ye kehna hai ki agar oversubscription hua to fir wo aur 5% ya 16.71 Million shares market me layenge. Selling price dtermine ki gayi hai 1001 Per share jo present market price ke comparable hai.

 

Investors ko mauka

HAl ka March 2020 quarter ka net sales value 2.77% increase hoke 10,322 Crore tak pahuchi hai. Ye ek accha indication tha, lekin Covid 19 ka impact sab company ke jaise HAL ko bhi hua ha, aur isi effect ko balance karne ke liye aur funds raise karne ke liye sarkar ne ye stake sale ka decision liya hai. Abhi agar in do dino me ye shares oversubscribe ho jaate hai aur jaise 27th aug ke end tak prices niche aa rahe hai fir se, ye possibility reh jaati hai ke sarkar aur 5% shares bhi sale karein aur fir ye aapke liye ek accha investment saabit ho sakta hai.

 

HAL ka EPS Data kuch aisa hai (Earnings Per Share)

PROFIT & LOSS ACCOUNT OF HINDUSTAN AERONAUTICS LTD. (in Rs. Cr.)

MAR '20

MAR '19

MAR '18

MAR '17

MAR '16

 

 

EARNING PER SHARE (RS)

85.44

68.26

61.92

72.35

55.27

 

Aap dekh sakte hain ki HAL ka record kaafi accha raha hai shares pe returns dene ka. Aur iske saath hi India me defence mport ban hona HAL ke liye bahut accha news ho sakta hai. Isliye agar aap ek long term stable company me invest karneka scoh rahe hain to HAL shayad aapke liye sahi choice ho sakta hai.


Post a Comment

0 Comments