Amazon aur Reliance Retail ka Big fight

 

http://tinyurl.com/yykl6w2u
Amazon aur Reliance Retail ka Big fight 

Amazon aur Reliance Retail ka Big fight | Court ne Kaha RIl, Future Deal Abhi hogi Delay

 

Desh ka sabse bada company RIL ko ek bahut bada jhatka laga hai jo uske aane waale plans ko bahut zyada chot pahucha sakta hai. Aap sabko pata hai ki Amazon, FLipkart aur Reliance Retail, ek tri faced retail war ke beech me hai, ispe humara detail coverage, aap humare pichle post yaani - Retail Ki Mahabharat me read kar sakte hain. Lekin ab ye mahabharat, Panipath ke maidan par pahuch gaya hai aur sabne apne hathiyaar saadh liye hai, pehla waar hua hai Amazon ke taraf se, aur ye waar se Reliance Retail ki Vijayrath ko kaafi had tak loss pahuch sakta hai. Aaj ke post me main bataunga ke jo log soch rahe the ki Reliance Retail ne baazimaar li, aur investment ka plan kuch aur hi banaya tha,wo kyun galat the, poora detail me is maamle ko samjhunga taaki aap log sahi decision le sake, aur aane waale opoortunity aur threats ko samajh sake theek tareeke se.

 

Future Retail and Reliance Retail ki deal kaise 
delay hui?

ABhi kuch hi dino pehle Reliance ne, 24176 Crore ke ek deal ke zariye, Future Retail ko acquire kiya tha. Ye deal ke baad future retail ka poora retail business hi reliance ke paas aa gaya tha. Is deal se Reliance ko apne Retail venture ke liye, ek accha platform mil gaya tha,jsike zariye wo, India ke retail aur e-commerce ka badshah banna cha raha tha. Lekin isme sab se bada problem create hua hai Amazon ke taraf se. Amazon ne Future group ke ek unlisted company Future Coupons me 49% ka stake khareeda tha, ab Future Coupons ka Future Retail me bhi 7.3% ka stake hai. Aur yahi par jaake poora Reliance Future deal atak gaya. Amazon ne jab 1200 Crore se Future cupons ka 49% share khareeda tha, tab usme do clauses aise the jisse unko Future Retail ke selling ke upar control mil gaya. Ye clauses me se sabse important  Right to first refusal (RoFR). Iske mutabik, Amazon ke permission ke bina Future retail apna stake sale nahi kar sakta. Yahi clause pe Future Retail ko Amazon ne gher liya hai. Amazon ne is clause ka violation hua hai, aisa kehke Singapore International Arbitration center (SIAC) me case file kiya tha. Iske baad Amazon aur Future retail ke beech Arbitration ka intezaam kiya gaya. Aur is arbitration ke baad, Arbitration court ne fasla diya ki Jab tak ek Arbitration COuncilka gathan naho aur wo is maamle ki sunwai na karein, tab tak Reliance aur Future ka deal finalize nahi ho sakta, yaani stake sale nahi hosakta, jiska matlab hai ki poora deal band ho sakta hai.

 

Reliance ne kya kaha

Reliance ka kehna hai ki RIL ne indian laws and company sale ke saari policies ko dhyan me rakhte hue hi ye deal kiya hai aur is deal me koi violation nahi hua hai. Ril ke taraf se diye gaye announcement me ye bola gaya hai ke unko ye pata hai ki aisa ekcase Amazon ke taraf se kiya gaya hai aur usme aisa ek unfavorable hearing unke liye aaya hai. Lekin RIL ne ye bhi kaha hai ki is hearing se unke deal ko koi effect nahi hoga aur unka deal barabar continue hoga aur stake sale hoga.

 

KYa hoga aage?

Poora maamla India ke retail market ko lekar hai. 1.2 Trillion dollars ki industry hai ye jiska sirf 7% online hai. Online players jaise Amazon, FLipkart Walmart aur Reliance Retail, abhi baaki 93% ke control ke liye maara maari kar rahe hai. Agar Future Reliance ka deal complete ho jaata hai, to fir Reliance Retail desh ke retail chain ka sabse bada player hoga, kyun ki Big Bazaar jaise brands ki bani banayi infrastructure inke haathon me aa jayegi. Aur jaise hi lockdon khula hai, aap sbne dekha hai ki india ki janta kaise bhar bhar ke khareedari pe lagi hai. Aur yahi reason hai ki sablog abhi is maha demand ka fayda lena chahte hai. Agar future retail Reliance ka deal final ho jaata hai, aur acquisition complete ho jaata hai,to is festive season pe Amazon kaafi peeche chala jaayega aur Reliance baazi maar jayega. Isi liye Amzonne ye baazi kheli hai aur ab ye lag raha hai ki ane waale 6-9 mahino me ye deal complete nahi ho payegi. Kyun ki PehleArbitration council banega, jisme 3mahine lagenge,uske baad unka report aur verdict aayega jisme aur 3-6 mahine lag sakte hai. Yaani tab tak amazon ke pass naya game plan banane ka time rahega. Aur yahi wajah hai ki Reliance ke liye ye ek chinta ki khabar hai. RIL ke shares bhi is news ke sath piche 5 dino me lagbhag 4-5% giri hi aur abhi 2035 ke asspass trade kar rahi hai. Short term me, RIL me fayda tab hoga agar is verdict ko kisi aur court over rule karde, tab shares upar jayega aur aapko fayda hoga short term me, warna ye ek mauka bhiho sakta hai,kam daam me ek acchi Blue Chip company ke shares ka malik banne ka.

 

Lekin jo bhi ho, India ke Retail industry me ghamasan chalta rahega, pehla round Shayad Amazon ke naam pe gaya hai, lekin picture abhi baki hai mere dost.

 

Post a Comment

0 Comments