Indian Retail ka Mahabharat

 

Reliance Retail, Amazon aur Walmart - Indian me Retail ka Mahabharat

Indian Retail ka Mahabharat
Indian Retail ka Mahabharat 


Doston, aaj ka post ek aisi mahabharat ke baare me hai jo shuru ho gaya hai India ke 3 top retail players ke beech me. Ye 3 players hai Amazon - Duniya ka sabse bada e-commerce company, jiske maalik Jeff Bezos ke pass paise itne hai ki gin ke khatam karne me 2 saal lag jaye. Doosra player hai Flipkart - jiske saath mil chuka hai US  retail ka bada player Walmart. Aur is ladai me sabse naya entry liya hai desh ke sabse bade businessman Mukesh Ambani ki nayi company - Reliance Retail ne. Ab Jaha Reliace Retail deal pe deal kiye jaa raha hai, wahi par Amazon ne steady lead banake rakhii hai. Lekin kya is Mahabharat me koi jeet payega ya sabhi log, mahabharat ke jaise, ek doosre ko chot pahuchate rahenge aur koi bhi sahi maine me jeet nahi darj kar payega? Mera poora post end tak read kriye, kyun ki Retail sector me investment agar aapne kiya hai, ya fir agar aap entrprenuer hai, ya aap shaee market me hone waale changes se fayda lena chahte hai, to ye post aapko read hi krna padega. blog ko subscribe kijiye aur post ko like and share kijiye.

 

Kya Reliance Baazi Marega?

Logo me ye ek common belief jaisa chal raha hai ki Reliance Retail aane ke baad Amazon aur Flipkart ki dukaan band ho jayegi. Reliance hi baazi maar le jayega. Ek tareeke se dekha jaye to ye sach bhi lagta hai. Indian retail ke sabse bade brand, Future group, jo Big bazaar jaise brands ka owner tha, usko Reliance ne khareeda tha bahut recently. Aur ye deal kaafi charche me isliye rahi kyunki Future group ke taraf se pehle to ye kaha jaa raha tha ke wo RIL ke saath deal ko confirm nahi karte hai, lekin baad me jab Amazon ke saath deal nahi hua, to Future group ke owner Kishore Biyani ke paas koi option nahi bacha tha Reliance ko compay bech dene ke siva. Unka lendersko bakaya payment dene ka date saamne aa chuka tha, aur isi mauke ka fayda uthate hue Reliance ne ek bahut badi baaz maar li jisko Indian retail industry me turning point bhi kaha jaa sakta hai. Isi ke saath Reliance Retail ka bhi inauguration ho chuka tha.

 

Doston ye deal isliye Amazon and Flipkart ke liye ek bahut bada jhatka tha kyun ki ab tak Amazon and Flipkart, sirf digital retailers hai, unka poore desh me distribution stores ke alava koi physical presence nahi hai. Wahi pe Big bazaar desh ka naami brand hai jaha har din crores of log jaate hai har tareeke ka samaan khareedne ke liye. Reliance ne is deal ke saath, physica retail me poora kabza kar liya hai aur ye ek badi jeet kahi jaa sakti hai.

 

Reliance ke favor me doosra bada point hai ek news jo Wednesday 30th September ko aaya. Us ke debt equity firm General Atlantic ne reliance retail me lagbhag 3800 crore INR ka investment kiya. Is deal ke zariye Reliance ne apne retail business ka 0.84% stake sell kiya general atlantic ko. Ab aap soch rahe hai ki kya hai ye General Atlantic? General atlantic ek aisi company hai jo upcoming tech startups ko fund karti hai. Ab aap sochenge ki Reliance Retail Tech company thodi hai? Iska bhi jawab reliance ne nikal rakhha hai. Reliance Jio ek aise tech company ke tarah se aagi aa rahi hai jisme Facebook, Silver lake jaise badi tech companies ne billion dollars ka investment kiya hai. Ye card Reliance ne itna accha khela hai kyun ki ek bar Facebook, Google , Silver lake jaise companies aapke saath jud gaye to aapka valuation waise hi badh jaata hai, aur upar se cutting edge technological support bhi mil sakta hai.

 

Aur isi wajah se sab ka maan na ye hai ke Indian Retail me ab sirf reliance hoga, e-commerce giants Amazon ke liye bahut bada challenge hai ki iska muqabla kaise karein? Flipkart ne Walmart ke Cash and Carry ke business ko acquire to kiya hai, lekin Cash and Carry saalon se loss me chal rahi thi. Flipkart ke liye is loss making business ko fayde me laana kaafi difficult hoga, wo bhi corona lockdon ke chalte, jab social distancing normal ban chuka hai, tab kitna fayda ye business kar payegi ye ek bada sawaal hai.

 

Sab baaton ki ek baat, Amazon abhi bhi sabse bada khiladi hai, Amazon ke warehouses and distribution network duniya me sabse best hai. Aur public ka trust factor sabse zyada amazon pe hai. Aur aakhir me jaake, aap usi dukaan se samaan lenge jaha aapka trust sabse zyada ho. Reliance deal pe deal to kar rahi hai, lekin Jioka business utna zyada nahi badha hai jitna expected tha, Q1 2021 me Airtel ke users growth zyada hai Jio se. Kya reliance retail ke saath bhi aisa hoga? Kyun chances zyada lag raha hai ke Poora retail industry me is competition ke wajah se sabse zyda fayda customer ka hoga, naaki kisi company ka, kyu ki best deal customers ko hi milenge. Iska ek bahut bada reason hai ke India ke log, trusted brand ke saath zyada loyal hai, aur kisiko trust kiya to unse bahut jaldi rishta na toda bhi Indian consumers ka habit hai.

 

Reliance Retail ke paisa hai, tech support hai, Jio jaise company aur RIL jaise bade company ka saath hai, ab challenge hai public ka bharosa jeetna. Yehi kar payegi ya nahi ye deknhe waali bat hogi aane waale dino me

 

Aur is dauran, retail sector me shayad naya IPO bhi aayega, Flipkart IPO ki baat chal rahi thi, Reliance Retail IPO ki bhi baat chal rahi thi. Dekhna ye hai ki ye baatein kitni jaldi sach saabit hoti hai. Tab tak sahi information se jude rehene ke lye blog ko subscribe zaroor karein.

 

Post a Comment

0 Comments