Vedanta delisting failure

Vedanta Delisting Failure - Kya Hoga aage? Vedanta Banega Multibagger?

Vedanta delisting failure
                     Vedanta delisting failure




Doston Corona Pandemic ke chalte bahut logon ne alag alag tareeke se apni dukaan band karne ki koshish ki, kuch Non banking corporations ne liquidity na hone ke wajah se apna karobaar band kiya, wahi pe Share market me kuch companies ne ajeeb strategies ka istemaal kiya aur kabhi panic, kabhi mauke pe chauka marte hue, ;investors ke liye kaafi pareshaani khada kar diya. Aapke mere jaise common public, jinko apne investment seure karne ke baare me sabse zyada chinta rehti hai, humare liye isliye ye bahut challenging ho gaya ke abhi paise ko bachaye to kaise bachayein. Isi list me ek aur naam hai Vedanta jo ek kaafi stable company thi aur abhi bhi hai, lekin sabko bahut suprrizing laga unka delisting karneka decision, sirf 5 mahine ke lockdown me agar ek Million dollar waali company apne shares ko delist karne pe utar aaye to wo company itne dino se kya jhak mar rahi thi? Kaha gaya unke provisions and safety features? Ya fir ye kuch aur kahani hai jiske zariye promoters ne ensure kiya hai ke aane waale dino me Vedanta ek Multibagger share ke taur par ubhar kar aaye? Poora post read kriye, aur samajhneki koshish kijiyega ki kaise small investors ko eksaath milkar ladna hai aur market me bade players ke game ko samajhna hai.

 

 

Vedanta Delisting ki Ramayan

Doston Corona Lockdown shuru hua tha March 23 rd ko, aur May be desh ka sabse bada mineral and mining firm, Vedanta ne keh diya ki wo apne shares ko market se wapas le lenge yaani delist karenge. Delisting ka process, reverse Book building process se hone wala tha. Delisting ka price fix kiya gaya tha 87.5 INR per share aur date fix hua tha October 5-9. Delisting ka matlab hota hai koi bhi company ka Public se wapas private jaana. Ye Process IPO laane ka exact opposite process hai. Delist karne ke liye, shreholders ko apne shares ko firse company ko pledge karna hota hai. Delisting ke regulation ke hisaab se (Regulation 17 1(a)) delisting ka process successful hone ke liye, promoter holding ko 90% se zyada hona chahiye, yaani shareholders ko at least 90% shares ko company ko wapas pledge karna padega. Ab aap samajh sakte hain ki ye process voluntary hai, yaani shareholders agar pledge na karein, agar unko lage ke delisting se unko loss ho raha hai to fir wo pledge nahi karenge, aur tabhi, delisting failure hoga. Aur pichle hafte kiye gaye delisting procedure ke baad ab saamne aayahai ke total shares jo Shareholders ne pledge kiye hai company ko, wo 90% se kam hai. Isliye Delisting fail hua hai.

 

Kyun Delisting hua fail?

Pehle samajh lijiye Delisting fail kyun hua. Lockdown announement ke 1 week pehle se hi vedanta ka share price girna shuru hua, march last week me price 67-68 INR per share ke paas pahuch gaya, fir delisting announcement jab hua, yaani May 2020, tab tak share price 89 INR cross kar chuka tha, lekin delisting price rakhha gaya tha 87.5 per share. Ye ek bada reason tha ke publicne vedanta ke assessment aur price pe bharosa nahi kiya. Logo koye laga ke agar lockdown me bhi Vedanta ke share price badh rahe hain aur steadily badh rahe hain, to fir jab lockdown khulega demand to badhni hi hai, to fir prices aur badhenge, to fir kyun discounted price me shares ko wapas bechna hai? Ye ek bahut valid sawaal tha aur isi sawaal a jawab nahi de payi vedanta aur isiliye delisting fail hua.

 

Ab aage kya

Ab seedha sawaal hai keaage kya hoga? Vedanta ke pass 5 working days hai - 9th October ke baad se, jab tak wo report karenge Delisting ka statusaur yato accept karenge ke delisting nahi hoga, ya fir naya offer karenge. Agar naya offer bhi 87.5 ke aas paas raha to wo bhi failure hoga ye tai hai. Doosri taraf, Vedanta ke shares kaafi bhaag rahe the, 6th October ko 137 IR per share pe trade karne ke baad aaj ye share 99.75 pe hai aurispe lower circuit laga hai. Yaha ek cheez dimaag me rakhiye. Ye lower circuit, company performance ke liye nahi lagi hai, ye lagi hai is news se ki vedanta ka delisting failure hua hai. Aur ye kuch bahut bura news nahi hai, to fir maamla kya hai? Kyun aise investor sentiment fluctuate ho raha hai. Iske baare me experts ka kuh aur hi kehna hai.

 

Experts kya kehte hain?

MMJC and associates LLP ke taraf se kaha gaya hai ke yaha kuch insider trading ke chances dikh rahe hai. Insider trading ka matlab hai ki jab kuch investors ko pata hota hai major information ke baare me jaise delisting ka failure, to fir wo uska undue advantage le sakte hain, jaise pricedrop ke baad, kam paise me shares ko utha sakte hai, ye information baaki investors ke paas na hone ke karan, ye trading rules and regulations ke khilaaf hai aur isko insider trading kaha jaata hai. To experts ke hisaab se Delisting ka process ek bahut hi mushkil process hai, jisme successful hona almost impossible hai. To ye jaante hue bhi kyun Vedanta ne Delisting ki koshish ki? Experts ka kehna hai ki unko pata tha ke delisting fail hoga, aur us wajah se share prices girenge, fir kam paise me zyada shares utha sakenge jinke paas insider information hoga ke company aage profit me jaani waali hai. Aur isi tarah shayad yaha, insider trading ho sakta hai aisa kuch log keh rahe hai, agar delisting fail hua toshayad SEBI insider trading ka probe bhi karegi.

 

SAMCO research, KRChoksey research in sab ka maana ye hai ki low price me high vaue stocks lene ka ye ek accha mauka hai. Kyun ki commodity market aane waale 10 saal me kaafi upar jayega, Vedanta ka main business domain commodity market hi hain. Aur Corona ke lockdown khatam hone ke baad excess demand aane hi waala hai. Inke hisaab se Vedanta ke revenue and PAT 1.3% and 4.3% CAGR ke rate se badh sakta hai FY 20 se FY22 tak.

 

Angel Broking ke advisory ke hisaab se Reverse Book building process se Vedanta ka share price 320 Per share ke aas pass aata hai, ab dekhna ye hai ki company aisa kuch price delisting ke liye announce karti hai October 15tak ya nahi. Citi group ne buy call diya hai lekin price per share 130 kar diya 150 se, aur kaha hai ki minority shareholder conerns ko address na karne ki wajah se downward pressure aayega stocks pe.

 

CLSA ne Veanta ko outperform ka tag diya hai aur price target 118 kar diya 133 se. Unka kehna hai ki company ka debt issues negative effect daal sakta hai near term me. Lekin ek baat sesab sehmat hai ki ong term me ye company aage hi jayegi. Specially Vedanta ke

       expansion in zinc capacity,

       cost reduction in aluminum 

       ramp-up in the oil and gas segment

Aise features ki wajah se 2022 ke baad company upar hi jayegi, to shayad ye ek aisa stock hai jo multibagger banega,iska pehla information maine aapko diya taaki aap aage reh sake, panic se door hokar actual information ke saath jud sake, kyun ki aapka paisa surakshit to aap surakshit. To mera blog subscribe kijiye aur aage aanewale analysis ka intezaar kijiye.

 

Post a Comment

0 Comments