United breweries ka 5824 Crore ka stake sell, Loan Write off nahi, sahi game plan?


Jab building ban rahi hoti hai, tab pehle neev rakhi jaati hai, jiske liye kaafi khudai ki jaati hai, koi naya aadmi aake agar dekhein to usko lagega ki kuch ban nahi raha hai, magar toot raha hai. Kuch aisa hi indication mila tha jab United breweries ke bhagode owner Vijay mallya ne desh chor ke UK me jaake apna ghar basa liya tha, aur desh ke ek bank (PNB) ke khate me chor gaye the lagbhag 9000 Crore ka NPA yaani Non Performing Asset. Ab is NPA ki baat samne aate hi PNB ke fail hone ke baare me baatein uthaye jaane lagi thi, isi time PMC bank ka bhi failure hua tha, Yes Bank ghotala bhi saamne aaya tha. Sabkko lag raha tha ki desh ki economy bikhar jayegi, aur banks agar fail ho gaye to sab khatam. Lekin GOvernment ki taraf se kuch steps us waqt aise liye gaye jiska kuch bahut zyada fayda immediately hote hue nahi dikha. Lekin aaj kuch aisi khabar aayi hai jisse aisa kaha jaa sakta hai ki chess ke khel ki tarah, zindagi me bhi, har decision soch ke aur long term ka soch ke liya jaana chahiye, aur shayad aisa hi India me bhi hua hai. Kaise ye saari baatein main kar raha hu, ye jaan ne ke liye post ko end tak zaroor read kriye, blog ko subscribe kijiye.

Yadi ap bhi free me demat and trading account open krna chahte hai to yaha click kre

United Breweries ka sale

VIjay mallya jab desh chor ke bhag gaye the tab sarkar ne, unke kaafi properties seal kar li thi. Unka total Debt amount tha 9500 Crores ka. Aur unpe sarkar ne money laundering ka case lagaya tha. Aisa kyun?

 

Kyun ki Vijay Mallya ne massive amounts of funds ko paper companies, yaani fraud companies ko loan ke tareeke se diya tha, jisko money laundering keh sakte hain. Aur jab Kingfisher airlines loans ka EMI nahi pay kar paa raha tha, us time pe Mallya ne apne khud ke liye ek luxury airline kharidi thi.

 

Is tareeke se, agar ED kisi ke upar money laundering ka probe lagati hai, to fir uske properties ko bhi seize kar sakti hai.

 

DRT Ka Action

DRT ka matlab hai Debt Recovery Tribunal, DRT ne pehle hi 1300 Crore ki Mallya ke shares, jo UB group and United Spirits me the, inko bech kar recover kiya tha. Aane wale dino aur 800  crore bhi recover karne ka plan hai DRT ka, United Spirits aur UB group ke sale ko June 25th tak conclude karne ka plan hai. Isi plan ka hissa hai 5824 crore ka Heineken ka deal. Ek naye deal me, Heineken., jo pehle hi UB group ka shareholder tha, usne aur 15% stake khareeda hai. Is satek sale se heineken abhi Ub group me majority shareholder ban gaya hai.

 

Der aaye magar durust aaye

Mallya, Nirav Modi aur Mehul CHoksi ne total 22500 crore ka chuna lagaya tha desh ke banks ko, iske baad desh chor ke ye log bhaag gaye. Nirav Modi jaa ke Portugal me baitha tha, Mallya UK me. Lekin Money Laundering ke charge ke wajah se, in teeno ka lagbhag 18000 crore ka property seal ho gaya tha. Aur bahi usme se lagbhag 5824 crore, jo sirf Mallya ke khate me tha, wo recover hone wala hai. Mallya ke khilaaf UK court me extradition ka case bhi chalu kiya gaya hai. UK court ne unko isko rok ne ke khilaaf order bhi jaari kiya hai. Wo din door nahi jab ye sab desh me wapas laye jayenge aur inke upar fraud ka case desh ke court me chalega.

 

 Open Free demat and trading account 

 

 

Post a Comment

0 Comments